Madelaine Palmer

Me. Madelaine Palmer is getroud met Ben Casper Palmer. Sy is geseënd met twee kinders, Casper Dwight Palmer (21) en Mignon Zandeleen Palmer (17).

Madelaine het in 2013 haar eerste manuskrip ingestuur na Kwarts Uitgewers. Groot was haar verbasing toe sy ingelig is dat dit goedgekeur is. Dieselfde maand het sy die nuus ontvang dat haar boek ook as Boek van die maand gekies is. So het haar paaie gekruis met Groep 7 Drukkers en Uitgewers (Pty) Ltd. wat sedertdien haar boeke druk. Madelaine was so beïndruk met Groep 7 se diens dat sy nog steeds haar pad saam met hulle stap.  Hulle diens is puik!  Jy voel deel van Groep 7 se familie.

Haar kinderboeke is uniek. Al haar kinderstories het ’n les om te leer en glo my, dit is ’n les waarby jonk of oud kan baat vind. Madelaine het ook ’n kinderboek geskryf sodat kinders beter kan verstaan hoekom geliefdes van hulle weggeneem word as gevolg van kanker. Alle winste gaan aan Cupcakes 4 Kids with Cancer.  Dit is ’n niewinsgewende organisasie waar fondse bymekaar gemaak word om mense bewus te maak van kinders met kanker.

Madelaine is in 2015 genader deur Publishing World of South Africa vir ’n drie jaar kontrak. Sy het ook twee sertifikate ontvang. Een van die sertifikate is aan haar oorhandig deur Mnr. Leon van Nierop.

Haar tweede Engelse boek, Anna’s House, is opgedra aan die Young Community Developer (YCD) Federation; Swedish Abassador, Mr. Anders Hagelberg and Ms. Emma Hallencreutz-Fogtmann, Promotion Officer of the Swedish Embassy, vir die rol wat hulle bydra om die jeug van vandag te bemagtig.

Madelaine doen ook gereeld mee in Kwarts Uitgewers se veldtogte. Alle winste gaan na ’n welsynsorganisasie. Haar stories is al tydens vier verskillende veldtogte gebruik. Die nuutste veldtog, Happy Holidays, is vir die World Literacy Foundation geloods. Haar storie is saam met 13 ander skrywers gekies.

Sy het ook ’n gedig ingestuur na Veerpen Uitgewers vir ’n Moedersdag projek in 2016 en dit is aanvaar. Die boek se naam is: Umbilicus.

Madelaine het al 15 boeke self gepubliseer deur Groep 7 Drukkers en Uitgewers (Pty) Ltd se hulp. Hiermee ’n skakel waar sommige van haar boeke vir aankope gevind kan word:

https://groep7-selfpublish-books.co.za/?s=madelaine+palmer&post_type=product&type_aws=true